Bəzi mənbələr bir müddət əvvəl Məhəmməd Salahın karyerasını İspaniyada davam etdirə biləcəyini iddia etmişdi.

Lakin “Barselona” rəhbərliyi “Liverpul”un hücumçusunun transferindən imtina edib. İspaniya mənbələrinin məlumatına görə, “Barselona” daha əvvəl 32 yaşlı hücumçunu 2025-ci ilin yayında azad agent kimi transfer etmək istəyirdi. Lakin rəhbərlik artıq fikrini dəyişib. “Barselona” rəhbərliyi Salahın gəlişinin start heyətində sabit oyunçuya çevrilən yeniyetmə Lamin Yamalın inkişafına mane olacağını düşünür. Klubun başbilənləri həmçinin braziliyalı cinah oyunçusu Rafinyanın çıxışından da məmnundu.
Məhəmməd bu mövsüm bütün turnirlərdə 17 matç keçirib, 10 qol vurub və 10 məhsuldar ötürmə edib.

Misirli futbolçunun klubla müqaviləsinin müddəti 2025-ci ilin yayına qədər nəzərdə tutulub.