Sərgən Yalçının işsiz günləri başa çata bilər.

Türkiyə mətbuatının yazdığına inansaq, təcrübəli mütəxəssis Səudiyyə Ərəbistanı təmsilçisindən sürpriz təklif alıb. Sərgənin meneceri həmin klubla danışıqları davam etdirir. Anlaşma əldə olunacağı təqdirdə 51 yaşlı məşqçi ən qısa müddətdə Səudiyyə Ərəbistanına yollanaraq rəsmi müqaviləyə imza atacaq. Amma həmin klubun adı hələ ki, ictimaiyyətə açıqlanmayıb. ''Beşiktaş''ın başında qazandığı böyük uğurlardan sonra uzun müddət işsiz qalan Sərgən ötən mövsümün gedişində ''Antalyaspor''un başına keçmişdi. Amma mövsüm bitdikdən sonra tərəflər yollarını ayırmışdı.

Yalçın son olaraq AÇ-2024-ün gedişində ''Ekol TV'' adlı ''yutub'' kanalında turnirin oyunları ilə bağlı verdiyi yanlış proqnozlarla diqqət çəkmiş və sosial şəbəkələrin dilinə düşmüşdü.

ƏLİ