“Təəssüf ki, yenə C səbətinə qayıtmışıq. Ötənilki nəticələrədən sonra məqsədimiz o idi ki, B səbətində qərarlaşaq. Ötən il bəzi oyunlar var idi ki, böyük təcrübə qazandırdı. Ümid edirəm ki, bu il həmin təcrübənin bizə çox köməyi dəyəcək. 4 komandalı qrupa düşə bilmədik. Monteneqro ilə üç ildi eyni qrupda mübarizə aparırıq. Onlarla oyunlarımız çox maraqlı keçir. Son Millətlər Liqasında hər iki oyunda qələbə qazanmağımız bizim üçünlükdü. Düşünürəm ki, bu, bizi komanda olaraq aldatmamalıdı. Həmin oyunu yaddan çıxarıb, bu matça ciddi hazırlaşmalıyıq. Monteneqro bizi, biz də onları tanıyırıq. Litva yığması son illərdə heç qarşımıza çıxmayıb. Rəqibin ötənilki qrup oyunlarını təhlil etmişik. Məqsədimiz odu ki, bu rəqibi oyunlara qədər maksimum dərəcədə tanıyaq. Məqsədimiz maksimum nəticə əldə etmək, qrupdan lider kimi ayrılıb, yenidən B liqasına vəsiqə qazanmaqdı”.