Pokatilov ən yaxşılar sırasında - "İnter" və "Real"ın qapıçılarını izləyir

“Sabah”ın qapıçısı Stas Pokatilov Çempionlar Liqasının liqa mərhələsinin 1-ci turundan sonra qurtarış sayına görə turnirin ən yaxşıları sırasında yer alıb.

"Football-plus.az" xəbər verir ki, UEFA-nın statistikasına əsasən, Qazaxıstan millisinin üzvü “Mançester Yunayted”lə səfər matçında 5 qurtarış edib.

Bu göstərici ilə Pokatilov ilk turdan sonra qurtarış sayına görə 5-ci yeri bölüşdürür. Pokatilovla yanaşı Nikita Haykin (Bude/Qlimt), Qreqor Kobel (“Borussiya”, Dortmund), Yan Zommer (Brügge), Zayon Suzuki (Aston Villa) və Mile Svilar (Roma) 5 qurtarış edib.

Siyahıya hərəyə 8 qurtarışla “Portu”nun qapıçısı Dioqu Koşta və “Slovan”dan Dominik Takaç başçılıq edirlər. Tibo Kurtua (Real) 7, Xosep Martines (İnter) 6 qurtarış edib.

"Sabah" Çempionlar Liqasının liqa mərhələsində debüt matçında “Mançester Yunayted”ə 0:4 hesabı ilə uduzub.