“Sabah” olaraq, daim stadionda azarkeşlər üçün əsl futbol ab-havası yaratmağa çalışmışıq. Əlimizdən gələni edirik ki, stadiona gələn tamaşaçılar təkcə meydanda sərgilənən futboldan yox, həmçinin burdakı atmosferdən də həzz alsın. Xatırlayırsızsa, Mikeslin “Bakılı balası” mahnısının sədaları altında rəqs etdiyi video azarkeşlərimiz, eləcə də futbol həvəskarları tərəfindən çox maraqla qarşılandı. Elə bu videodan sonra bir çox tərəfdarımız Mikelsi məhz mahnının adına uyğun olaraq “bakılı balası” adlandırmağa başladı. Futbolçunun klubumuza qayıtmasıyla bağlı təqdimat videosunda da həmin mahnıdan istifadə etmişdik. O ki qaldı qol vurandan sonra məhz bu mahnının səslənməsinə, bəzi oyunlarda bundan istifadə etmişik. Xarici klubların təcrübəsində də oxşar halların şahidi olmuşuq. Bunu gələcək ev oyunlarımızda təkrarlaya bilərik. Sadəcə, elə ola bilər ki, qoldan sonra səslənən mahnı ilə bağlı daha kreativ bir ideya yaransın və bundan istifadə edək. Azarkeşlərdə şablon və təkrarçılıq təəssüratının yaranmasını istəmirik”.