“Bazel” hara, “ASCO Arena” hara?
Bilindiyi kimi, Gənclər Liqasının yeni mövsümündə ölkəmizi “Sabah”ın U-19 komandası təmsil edəcək. “Bayquşlar” Çempionlar yolunun ikinci mərhələsində İsveçrə “Bazel”iylə qarşılaşacaq.
“Football-plus.az” xəbər verir ki, Masazır təmsilçisinin ev oyunu Bayılda yerləşən “ACSO Arena”da keçiriləcək. Halbuki “Bank Respublika Arena” həmin matç üçün lazım olan meyarlara uyğundu. Bunun səbəbini öyrənmək məqsədilə “Sabah”ın mətbuat xidmətinin rəhbəri Elnur Həmidova müraciət etdik:
“Ölkə çempionatının Gənclər Liqasında oyunların əksəriyyəti süni örtüklü meydançalarda keçirilir. Süni qazondan təbiiyə və ya əksinə keçidlər oyunçular üçün bir qədər çətinlik yaradır. Bundan əlavə, noyabrın əvvəlində əsas komandanın ölkə çempionatı çərçivəsində “Bank Respublika Arena”nın əsas meydançasında oyunu olacaq. Bu amillər nəzərə alınaraq, oyunun “ASCO Arena”da keçirilməsi daha məqsədəuyğun sayılıb”.
İş orasındadı ki, noyabrın 9-da keçiriləcək 13-cü tur matçlarında “Sabah” kimi, “Səbail” də evdə meydana çıxacaq.
KƏNAN BAHADIR
Digər xəbərlər
