“Bilindiyi kimi, “Liv Bona Dea Arena”nın qazonunda renovasiya işləri aparılır. Bu üzdən idman qurğusu təmirə bağlanıb. Paytaxtı təmsil edən komandalar 8-ci turdakı oyunlarını evdə keçirəcəyindən Peşəkar Futbol Liqasının standartlarına cavab verən stadion qalmamışdı. Belədə “Kapital Bank Arena”nı seçdik. Yeri gəlmişkən, şərait yaratdığına görə “Sumqayıt”a təşəkkür edirik. Oyunun “Səbail”in meydanında keçirilməsi variantına gəlincə, bu, əvvəldən müzakirə olunmurdu. Ona görə ki, baş məşqçimiz Elmar Baxşıyev matçın təbii ot örtüklü meydançada keçirilməsini istəyirdi”.