“İstəyərdim ki, sarğı liderlik xüsusiyyəti olan futbolçunun qolunda olsun” – Bədavi yanlış seçimdi?
Yığmamız Millətlər Liqasında acınacaqlı nəticələr göstərir.
Xatırladaq ki, komanda ardıcıl 4 məğlubiyyətdən sonra C liqasının qrupunda sonuncu pillədədi.
Uğursuzluğun səbəbini kollektivdə lider oyunçunun olmamasıyla əlaqələndirənlər də var. Əksəriyyəti kapitan sarğısını layiqli futbolçuların taxmadığını düşünür. Ümumiyyətlə, heyətdə sarğını haqq edənin olmadığını deyənlər də az deyil. Bu mövzuda yığmamızın sabiq kapitanı Yunis Hüseynovun da fikirlərini öyrəndik. Onun “Football-plus.az”a cavabı:
“Təəssüf ki, “Tofiq Bəhramov”da keçirilən matçda Slovakiyaya uduzduq. Amma komandamız 70-ci dəqiqəyə qədər pis təsir bağışlamadı. Mahir Emrelinin qırmızı vərəqəylə üzləşməsi hadisələrin axarını dəyişdi. O, ciddi səbəb olmadığı halda, sarı və qırmızı vərəqələr aldı. Kapitan sarğısıyla bağlı məsələyə gəlincə, istəyərdim ki, bazubənd liderlik xüsusiyyəti olan futbolçunun qolunda olsun. Hələ ki millidə həmin meyrarlara uyğun oyunçu görmürəm. Bunu Emin Mahmudov bacarırdı ki, baş məşqçi Fernando Santuş onu kənarda saxlayır. Hər halda, mütəxəssisin qərarıdı. Əsas problem isə futbolçularımızda peşəkarlığı çatışmamasıdı”.
KƏNAN BAHADIR
