İngiltərə premyer-liqasında 2021/22 mövsümünün ən yaxşı məşqçisinin adına aydınlıq gəlib.

Bu nominasiyanın qalibi Yürgen Klopp olub. “Liverpul” 54 yaşlı mütəxəssisin başçılığı altında mövsümü 2-ci yerdə başa vursa da, almaniyalı futbol ekspertləri və azarkeşlər arasında keçirilən sorğuda qalib gəlib. O, karyerasında ikinci dəfə fərdi mükafata layiq bilinib. Klopp ilk dəfə 2020-ci ildə mövsümünün ən yaxşı məşqçisi seçilmişdi. Ondan başqa Aleks Ferqyuson (11), Arsen Venger, Joze Mourinyo və Xosep Qvardiola (hər biri 3 dəfə) premyer-liqada məlum nominasiyada bir dəfədən çox qalib gəlib.

“Liverpul”u Liqa kubokunda və İngiltərə kubokunda qələbəyə daşıyan 54 yaşlı Klopp həmçinin Liqa Məşqçiləri Assosiasiyası tərəfindən mövsümün ən yaxşı çalışdırıcısı seçilib.