''Komandanın zəif oyununun səbəbini anlamıram. Çünki ötən mövsümlə müqayisədə cəmi bir ciddi dəyişiklik baş verib. Kroosun əvəzinə Mbappe gəlib. Amma bu heyət üçün bu cür futbol yetərli deyil. Hər dəfə kiçik detalların hesabına qələbə qazanırıq. Komanda lazımi səviyyədə çalışmır. Yarımmüdafiə ilə hücum arasında əlaqə yetərli səviyyədə deyil. Hücum planında ''Real'' yaxşı təsir bağışlamır. ''Real''da oynayırsansa, daha cəsur olmalısan. Topu aldıqdan sonra yalnız yana və geriyə ötürmək yetərli deyil. ''Real''ın oyunu oxunur. Hücum oyunçuları boş zonalar tapmaqda çətinlik çəkirlər. Çünki hər kəs topu ayağına istəyir. Ötən mövsüm Vinisius ilə Bellingem nə üçün parlayırdı? Çünki komanda özü baxımlı oynayırdı. İndi Vinisius yalnız ara-sıra cinahdan baxımlı qollar vurur. İşlər pis getdikdə və komanda yaxşı oynamadıqda hər futbolçu ayrı-ayrılıqda ''sönməyə'' başlayır''.