Bir müddət öncə ''yutub''da bir verilişin canlı yayınından çıxarkən silahlı hücuma məruz qalan və ayağından yaralanan Sərhat Akından xəbər var.

Qeyd edək ki, ''Fənərbaxça'' və Türkiyə yığmasının sabiq üzvü artıq iki dəfə əməliyyat olunub. Amma ayağındakı sümüklər parçalandığına görə onun 3-cü əməliyyata ehtiyacı var. Bu olaydan sonra onun ümumiyyətlə, şərhçi kimi fəaliyyətini davam etdirib-etdirməyəcəyi bilinmir.

Bu arada Türkiyə mətbuatının iddiasına görə tam sağaldıqdan sonra Sərhat Akın Türkiyəni tərk edəcək. O doğulub böyüdüyü Almaniyaya yollanacaq. Sərhatın ailəsi Ştutqart və Karlsrue şəhərləri arasındakı bölgədə yaşayır. Onun uşaqları orda təhsil alır. Silahlı hücuma məruz qalmasının ardından Sərhatın atası ondan birdəfəlik Almaniyaya gəlməsini və orda yaşamasını xaiş edib. Sabiq futbolçunun atasının bu istəyini yerə salmayacağı güman edilir.

Yeri gəlmişkən, bir ara Sərhatın qumar borcu üstündə gülləndiyi iddia olunsa da, o, bu iddiaları rədd edib. 43 yaşlı sabiq oyunçu yalnız şərhçi kimi səsləndirdiyi tənqidi fikirlər üzündən hücuma məruz qaldığını bildirib.

Bundan başqa Sərhat indiyə qədər ona nə Əli Koçdan, nə də Acun Ilıcalıdan zəng gəldiyini deyib.

ƏLİ