İtaliya futbolunun əfsanəsi Roberto Bacco srağagün ailəsi ilə birlikdə böyük bir şok yaşayıb.

O, silahlı soyğuna məruz qalıb. Hadisə Bacconun Viçentsa şəhərinin Kaldonyo ərazisində yerləşən villasında baş verib.

57 yaşlı sabiq ulduz ailəsi ilə birlikdə AÇ-2024-ün İspaniya – İtaliya oyununu izlədiyi anda evə üzlərində maska olan 5 naməlum şəxs daxil olub. Bu zaman evdə dava-dalaş düşüb. Soyğunçular Bacco ilə onun ailəsini otaqlardan birinə salaraq qapını bağlayıblar. Daha sonra isə evdən saat, bahalı daş-qaşlar və bir miqdar pul götürərək qaçıblar. Soyğunçular evi tərk etdikdən sonra Bacco otağın qapısını qıraraq ailəsini ordan çıxarıb və dərhal hadisə barədə polişə məlumat verib. “Korriere Veneto” nəşrinin iddiasına görə, “Milan”, “Yuventus” və “İnter”in sabiq üzvü evə daxil olan soyğunçulardan biri ilə əlbəyaxa olubmuş. Həmin şəxs tapançanın lüləsi ilə Bacconun başına zərbə endirərək onu ciddi şəkildə yaralayıb. Bu üzdən hadisənin ardından Bacco xəstəxanaya aparılıb və onun alnına bir neçə tikiş qoyulub.

Ailənin digər üzvləri yaralanmasalar da, böyük qorxu hissi keçiriblər. Yerli polis orqanları hadisəni dərhal araşdırmağa başlayıblar. İlk növbədə evin təhlükəsizlik kameraları incələnib. Bacco həyat yoldaşı və 3 uşağı ilə birlikdə son 15 ildə məhz bu evdə yaşayır. Baş nazirin köməkçisi Matteo Salvini Bacconun başına gələn hadisənin ardından paylaşım edərək bunları yazıb: