Qonsalo İquaynın yeni iş yeri məlum olub. Argentina yığmasının sabiq hücumçusu yenidən karyerasını başa vurduğu kluba xidmət edəcək.


36 yaşlı İquayn milli komandadan olan sabiq komanda yoldaşı Lionel Messinin çıxış etdiyi “İnter Mayami”nin məşqçisi təyin olunub. Bu barədə ABŞ klubunun mətbuat xidməti məlumat yayıb.

Qeyd edək ki, “River Pleyt”, “Real”, “Napoli”, “Yuventus”, “Milan” və “Çelsi”də də oynayan İquayn karyerasını 2022-ci ildə məhz “İnter Mayami”də başa vurub. Onun milli formada 75 oyuna 31 qol vurduğunu da xatırladaq.