"Qarabağ", nəhayət, qələbə qazanmalıdı”
Sabah “Qarabağ”ı Avropa Liqasının liqa mərhələsində “Malmö” ilə çətin oyun gözləyir. Düzdü, “köhlən atlar” indiyə qədər İsveç klubları önündə büdrəməyib. Bu üzdən hamı çempiondan 3 xal gözləyir.
Bəs “Qarabağ” evdə necə oynamalıdı? İsveç klubların ilə oyunlardakı qələbə tendensiyasını davam etdirmək üçün Qurban Qurbanova hansı məsləhəti görərdiz? Bu sualı “Komanda.az”ın baş redaktoru Rəşad Ergünə ünvanladıq:
“Malmö"nü Qurban Qurbanov qədər tanımırıq, incələməmişik. Buna görə də baş məşqçi hamımızdan daha yaxşı bilir İsveç komandası ilə oyunda qələbə üçün nə etmək lazım olduğunu. Amma düşünürəm ki, "Qarabağ", nəhayət, qələbə qazanmalıdı. "Tottenhem"lə oyunda baş verənlər yaxşı şeylər deyildi. Qurbanov bütün oyunu azlıqda qalan "Tottenhem"ə məğlubiyyətə və havaya sovrulan qol epizodlarına səbəb olan amilləri müəyyənləşdiribsə və çarə tapıbsa, "Malmö" ilə matçda qələbə qazanmaq olar”.
ƏSƏD SEYİDOV
Digər xəbərlər
