“Toronto” və “Memfis”dən oyunçularına jest

“Toronto” forvardı Vins Karterin daşıdığı 15 nömrəli formanı istifadədən çıxaracaq.

Mərasim noyabrın 2-də - “Sakramento” ilə oyundan əvvəl gerçəkləşəcək. MBA-da “Toronto”nun heyətində 6 tam mövsüm keçirən Karter bu müddətdə 403 oyuna çıxıb, hər oyunda 23,4 xal, 5,2 ribaund və 3,9 məhsuldar ötürmə ilə yadda qalıb. Karter 5 dəfə Ulduzların oyununda iştirak edib.

“Memfis” isə vaxtilə hücumameyilli müdafiəçi Toni Allenin daşıdığı 9 nömrəli formanı daha heç kimə verməyəcək. Gələn il martın 15-də - “Mayami” ilə ev oyunundan əvvəl bununla bağlı xüsusi mərasim keçiriləcək.

Allen “Memfis”in forması istifadədən çıxarılan 3-cü basketbolçusu olacaq. “Qrizzlis” ona qədər Zak Rendolfla Mark Qazolun formasını da əbədiləşdirib.

Allen 2010-17-ci illər aralığında “Memfis”in şərəfini qoruyub, bu komanda ilə ən yaxşı nəticəsi 2013-də Qərb konfransının finalında oynamaq olub.