Ötən həftə, nəhayət, Türkiyədə də “transfer pəncərəsi” bağlandı. Ona görə də qardaş ölkədə yay transfer dönəminə artıq yekun vurmaq olar.

İyunun 24-də açılan “pəncərə” 82 gün davam edərək sentyabrın 13-də bağlandı. Elitada çıxış edən 19 klubdan üçü – “Adana Dəmirspor”, “Kayserispor” və “Samsunspor” UEFA-dan cəza aldığı üçün heyətini yeni futbolçu ilə gücləndirə bilmədi.

Qalan 16 komanda isə 58-i ölkə daxilindən, 101-i ölkə xaricindən olmaqla ümumilikdə 159 futbolçu transfer etdi. “Trabzonspor”un heyətinə qatdığı 13 yeni futbolçunun hamısını xarici klublardan gətirməsi diqqəti çəkdi. Xaricdən ən az transferə ehtiyac duyan klub isə “Eyüpspor” oldu. Arda Turanın komandası 11 yeni futbolçudan 10-nu Türkiyə klublarından transfer etdiyi halda, yalnız 1-ni xaricdən gətirdi.

Bu yayın belə desək, ən hərəkətli klubu “Qaizantep” oldu. Antep təmsilçisi 17 yeni futbolçu ilə müqavilə imzaladı. Bu göstəricidə ikinci pillədə 16 transfer həyata keçirən “Konyaspor” qərarlaşdı. Nəhənglərdən “Trabzonspor” 13, “Beşiktaş” 8, “Fənərbaxça” 7, “Qalatasaray” 6 yeni futbolçuya ehtiyac duydu. Bu yay 4 nəhəngin heyətində həm ayrılanlar, həm də yeni gələnlər ilə sizi tanış edirik.

Qeyd edək ki, icarədən qayıdanlar (yenidən icarəyə verilənlər) və ya ötən mövsüm icarə əsasında top qovub bu yay daimi əsasda transfer edilənlər bu siyahıya salınmayıb.

Qalatasaray
Gedənlər: Kərəm Aktürkoğlu (Benfika), Tete (Panatinaikos), Uilfrid Zaha (Lion), Serxio Oliveyra (Olimpiakos), Serj Orye (yeni klubu bəlli deyil), Derrik Kön (Verder), Tanqi Ndombele (Nitsa).
Gələnlər: Qabriel Sara (Norviç), Elias Yelert (Kopenhagen), Mişi Batşuayi (Fənərbaxça), İsmail Yakobs (Monako), Viktor Osimhen (Napoli), Roland Şallai (Frayburq).

Fənərbaxça
Gedənlər: Fərdi Kadıoğlu (Brayton), Mişi Batşuayi (Qalatasaray), Rade Kruniç (Srvena Zvezda), Coşua Kinq, Miha Zayts (hər ikisi “Tuluza”), Luan Peres (Santos), Leonardo Bonuççi (karyerasını başa vurdu), Əmrə Mor (Eyüpspor).
Gələnlər: Yussef Ən-Nəsiri (Sevilya), Allan Sen-Maksimen (Əl-Əhli), Sofyan Amrabat (Fiorentina), Filip Kostiç (Fənərbaxça), Cenk Tosun (Beşiktaş), Oğuz Aydın (Alanyaspor), Ləvənt Mərcan (Fatih Karagümrük).

Beşiktaş
Gedənlər: Cekson Muleka (Əl-Xolud), Omar Kolli (PAOK), Rəşid Gezal, Əmir Haciahmetoviç (hər ikisi “Çaykur Rizəspor”), Co Uorral (Nottingem Forest), Umut Meraş, Tayfur Bingöl (hər ikisi “Eyüpspor”), Cenk Tosun (Fənərbaxça), Ante Rebiç (Leççe), Əmrəcan Uzunhan (Antalyaspor), Dəmir Ege Tıknaz (Riu Ave), Daniel Amarti (yeni klubu bəlli deyil).
Gələnlər: Çiro İmmobile (Latsio), Rafa Silva, Joao Mario (hər ikisi “Benfika”), Qabriel Paulista (Atletiko), Feliks Uduoxay (Auqsburq), Şer Ndur (PSJ), Əmirhan Topçu (Çaykur Rizəspor), Can Keleş (Fatih Karagümrük).

Trabzonspor
Gedənlər: Rayyan Baniya (Palermo), Nikolya Pepe (Vilyarreal), Taksiarxis Funtas (OFİ), Xoakin Fernandes (Kanzas Siti), Mahmud Trezeqe (Əl-Rayyan).
Gələnlər: Muahmmed Çam (Klermon), Pedro Maleyro (Boavişta), Sərdar Saatçı Simon Banza (hər ikisi “Braqa”), Arseni Bataqov (Zarya), Denis Draquş, Cihan Çanak (hər ikisi “Standard”), Stefan Saviç (Atletiko), Borna Barışiç, Con Lundstram (hər ikisi “Reyncers”), Entoni Nvakaeme (Əl-Fahya), Ozan Tufan (Hall Siti), Okay Yokuşlu (Vest Bromviç).