Ölkəmizin futbol yığmasının yeni baş məşqçisi Fernando Santuşun ilk köməkçisinin müəyyənləşdiyini xəbər vermişdik.

İyulun əvəllərində Bakıya gələn portuqaliyalı mütəxəssis həmyerlisi Rikardo Santuşu da gətirmişdi. Vaxtilə millimizinin çalışdırıcısı ilə “Beşiktaş”da çiyin-çiyinə işləmiş Rikardo AFFA ilə 4 illik müqavilə imzalayıb, ölkəsinə qayıtdı. Santoşun digər köməkçisinin adı isə hələ məlum deyil. Yəni namizədin Arif Əsədov olub-olmadığı ayın sonlarında dəqiqləşməliydi. Bu yaxınlarda AFFA-nın Mətbuat və İctimaiyyətlə Əlaqələr Departamentinin rəhbəri Elnur Məmmədli "football-plus.az"a verdiyi açıqlamada “iyulun 28-dən artıq köçür Bakıya, burda yaşayacaq. Köməkçiləri ilə bağlı məlumatı da böyük ehtimalla ayın sonunda açıqlayacağıq” demişdi.

Lakin portuqaliyalı mütəxəssisin səfəri təxirə salınıb. Hər hansı qeyri-adi hadisə baş verməsə, o, bu gün Bakıya uçacaq. Hələ ki AFFA baş məşqçinin köməkçilərilə bağlı yekun informasiya paylaşmayıb.

RÖYANƏ OĞUZ