''Qızıl top''un yeni sahibinin müəyyənləşməsinə bir aydan bir qədər artıq vaxt qalıb.

Oktyabrın 28-də Parisdə ''Frans Futbol'' və UEFA-nın birlikdə keçirəcəyi qala-gecədə bu mükafat yeni sahibinə qovuşacaq. Bu arada İspaniyanın ünlü ''Marka'' nəşri ortaya çox maraqlı bir iddia atıb. Nəşrin xəbərinə görə bu il ''Qızıl top''u ''Real''ın vingeri Vinisius Junior qazanacaq! Guya təşkilatçılar artıq bu barədə braziliyalı ulduza məlumat veriblər. Qeyd edək ki, 24 yaşlı futbolçu ötən mövsüm 39 rəsmi oyunda 24 qol, 9 məhsuldar ötürməlik performans sərgiləyərək Çempionlar Liqası, La Liqa və ölkə superkubokunun qalibi olmuşdu. Bu mövsümün əvvəlində o, Avropa superkubokunu da qazandı. Onun əsas rəqibi isə ''Mançester Siti'' və İspaniya yığmasının yarımmüdafiəçisi Rodridi.

Yeri gəlmişkən, bu futbolçunun premyer-liqanın son turunda zədələnərək uzun müddətə sıradan çıxdığını bildirək.

ƏLİ