''Mourinyo çox böyük məşqçidi. Ona ''xüsusi'' ləqəbinin verilməsi təsadüfi deyil. Onun komandaları ilə bir neçə dəfə qarşılaşmışam. Həm qalib gəldiyim, həm də uduzduğum oyunlar olub. Amma Mourinyo əla məşqçidi. Bu cür böyük məşqçiyə sahib olan komanda belə oyunlarda qalib gəlməlidi. Amma mənim üçün ''Qalatasaray'' daha güclüdü.

''Qalatasaray''ın çox önəmli oyunçuları var və heyət baxımından rəqibini üstələyir. Osimhenin transferi çox səs gətirdi. Bütün diqqətlər onun üzərində olacaq. Amma mənim üçün derbidə komandanın ən önəmli futbolçusu Barış Alpər Yılmaz olacaq. Onun oyunundan çox şey asılı olacaq. Torreyra ilə müqayisə olunmağım düzgün deyil. Çünki oyun tərzlərimiz fərqlidi. Mən ''Qalatasaray''da bir mövsümdə 16 qol vurmuşdum. Ona görə də bu müqayisə yersizdi. ''Fənərbaxça'' ilə səfər oyununda çempionluğu rəsmiləşdirdiyimiz mövsümü xatırlayın. Mən və Səlcuk İnan klub tarixinin ən önəmli ikililərindən biriyik. Həmin mövsümdə ikimiz ümumilikdə 40-a yaxın qolun vurulmasında iştirak etmişdik. ''Qalatasaray''a yenidən xidmət etmək istərdim. Hansı vəzifədə çalışmağımın önəmi yoxdu. Yönətici, idman direktoru, məşqçi... Əsas odu ki, ''Qalatasaray'' üçün çalışım. Bu klubun fanatlarının hər zaman qəlbimdə xüsusi yeri var. Onlar üçün çox darıxmışam. Braziliyada ''Qalatasaray'' üçün döyünən bir ürək var. Çünki klubun hər oyununu izləyirəm. Ümid edirəm ki, mən fanatları unutumadığım kimi onlar da məni unutmayacaq. Ən böyük ''Cim-Bom''.