Dünən İngiltərə liqa kubokunun 3-cü mərhələsində premyer-liqanın iki təmsilçisi ''Brayton'' ilə ''Vulverhempton'' üz-üzə gəldi.

''Brayton'' fanatları önündə 3:2 hesabı ilə qalib gələrək mərhələni adlayan tərəf oldu. Meydan sahiblərinin heyətində qələbə qolunu Fərdi Kadıoğlu vurdu.

''Fənərbaxça''dan transfer edilən Türkiyə yığmasının üzvü 82-ci dəqiqədə oyuna daxil oldu və cəmi 3 dəqiqə sonra fərqlənməyi bacardı. Bununla da istedadlı futbolçu İngiltərə karyerasında 2-ci rəsmi oyununda qol hesabını açdı.

Ötən həftəsonu o, premyer-liqada ''İpsviç''lə ev oyununun 67-ci dəqiqəsində meydana çıxmaqla yeni klubunda debüt etmişdi. ''Brayton'' növbəti oyununu sentyabrın 22-də ''Nottingem Forest''ə qarşı keçirəcək.

ƏLİ