“Komandamız avqustun 1-dən təlim-məşq toplanışına başladı. 5-6 yoxlama görüşü keçirdik. Bu ərəfədə  çatışmazlıqları bacardığımız qədər doldurmağa çalışdıq. Ancaq bir-iki mövqe var ki, məni narahat edir. Çempionat başlayandan sonra bunları da doldurmçağa çalışacağıq. Deyim ki, komandamız mövsümə 70-80 faiz hazırdı. Çempionluq uğrunda mübarizə aparacağıq. «Qaradağ Lökbatan» həmişə iddialı olub. Əlimizdən gəldiyi qədər ən yaxşısını etməyə səy göstərəcəyik. Demək olar, 9 komandanın hər biri bizə rəqibdi. Ona görə bacardıqca hər oyuna ayrı-ayrılıqda hazırlaşıb, ən yaxşısını etməyə çalışacağıq».

«Toplanış dönəmini yaxşı və faydalı keçirdik. Hazırlıq dönəmindən razıyam. Futbolçular üzərlərində yaxşı çalışdılar. Komanda fiziki cəhətdən mövsümə hazırdı. Ancaq komandanın konkretləşməsi məsələsi hələ başa çatmayıb. Bunun üzərində idman direktorumuz çalışır. Bir neçə transfer də etməyi düşünürük. Hər oyuna yaxşı hazırlaşmalıyıq. Çünki hər tur böyük önəm kəsb edəcək. Meydana çıxıb, hər matçda can qoymaq lazımdı. Əsas rəqiblərə gəlincə, qarşılaşacağımız bütün komandalar ciddi rəqiblərdi».

“Komanda yeni mövsümə hazırdı. Ümid edirik ilk oyundan qələbə ilə başlayarıq. Demək olar ki, heyəti 90 faiz yenidən formalaşdırmışıq. Sadəcə, iki futbolçu var ki, onlarla alinmadı. Çalışacağıq ki, yaxın zamanda o boşluqları dolduraq. Komandamız bütün oyunlara məsuliyyətli yanaşacaq. Bu yolda bizim üçün bütün komandalar ciddi rəqibdi».