36 yaşında meydanı tərk etdi

Braziliya yığmasının sabiq yarımmüdafiəçisi Paulinyo karyerası ilə bağlı vacib qərar verib.

"Football-plus.az" xəbər verir ki, o, yaşıl meydandakı çıxışını başa vurduğunu açıqlayıb.

Paulinyo bu barədə özünün sosial şəbəkə hesabında yazıb. 36 yaşlı futbolçu karyerasının son ilyarımını “Korintians”da keçirib. Paulinyonun milli komandada keçirdiyi 56 matçda 13 qol vurduğunu xatırladaq.

Onun Braziliya klubları ilə yanaşı, “Tottenhem” və “Barselona”, həmçinin Çin, Səudiyyə Ərəbistanı və Polşa təmsilçislərində oynadığını da yada salaq.

Ümumilikdə 11 klubda forma geyən yarımmüdafiəçi 2013-cü ildə keçirilən Konfederasiyalar Kubokunun, həmçinin DÇ-2014 və DÇ-2018-in iştirakçısı olub.