Aleksandr Sonq karyerası ilə bağlı vacib qərar verib. Kamerun millisinin sabiq yarımmüdafiəçisi peşəkar futbolçu həyatını başa vurub.

“Football-plus.az” xəbər verir ki, 36 yaşlı futbolçu “Bastiya”, “Arsenal”, “Çarlton”, “Barselona”, “Vest Hem”, “Rubin” və “Syon”da çıxış edib. Aleksandrın sonuncu klubu “Arta/Solar 7” (Cibuti) olub. Sonqun 9 il (2005-14) Kamerun yığmasının şərəfini qoruduğunu, milli komandada 49 oyun keçirdiyini də bildirək.

O, qərarı barədə sosial şəbəkə hesabındakı paylaşımında “kədərli şəkildə bildirməliyəm ki, butslarımı mismardan asmağım vaxtı gəldi” cümləsini yazıb.