“Qarabağ”ın müdafiəçisi Marko Veşoviçin dəvət aldığı Monteneqro millisi Millətlər Liqasında növbəti oyununu keçirib.

"Football-plus.az" xəbər verir ki, komanda öz meydanında Uelslə qarşılaşıb. Matç britaniyalıların 2:1 hesablı qələbəsi ilə yekunlaşıb.

Millimizin keçmiş baş məşqçisi, hazırda Monteneqro yığmasını çalışdıran Robert Prosineçki bu matçda “Qarabağ”ın müdafiəçisinin adını iştirak ərizəsinə daxil etməyib.

Qeyd edək ki, Veşoviç İslandiyaya qarşı keçirilən ilk turun matçını əvvəldən sona kimi ehtiyat oyunçular skamyasından izləmişdi.

Əlavə edək ki, 2 turdan sonra xalı olmayan Monteneqro millisi qrupda sonuncu pillədə qərarlaşıb. Komanda növbəti oyununu oktyabrın 11-də səfərdə hazırda 4 xalla qrupda lider olan Türkiyəyə qarşı keçirəcək.