Dünən əvəzedicilər liqasında 5-ci tura yekun vuruldu. Avqustun 30-da start götürən tur srağagün 2, dünən keçirilən 1 qarşılaşmayla sona çatdı. 

Bazar günü “Zirə” doğma meydanda “Qarabağ”ı sınağa çəkdi. “Qartallar” bu görüşdə 3 xalı 3 cavabsız qolla qazandı. Qəsəbə təmsilçisi bu qələbə sayəsində 4-cü pilləyə yüksəldi. Günün daha bir qarşılaşması Sumqayıtda keçirildi. Şəhərin eyniadlı komandası “Araz-Naxçıvan” üzərində minimal hesabı qələbəyə sevindi. Vaqif Cavadovun yetirmələri vacib 3 xalı qazanaraq çempionatda 3-cü pilləni ələ keçirdi. Tura dünən keçirilən “Turan Tovuz” - “Səbail” görüşüylə yekun vuruldu. 7 qolun vurulduğu qarşılaşmada meydan sahibləri minimal fərqlə qalib gəldi. Beləcə qərb təmsilçisi premyer-liqada olduğu kimi, əvəzedicilər liqasında da liderliyi davam etdirir. 
Turun avqustun 30-da keçirilən oyunlarının nəticələri: “Kəpəz” - “Sabah” 2:0, “Neftçi” - “Şamaxı” 4:0.

31 avqust
Zirə-2 - Qarabağ-2 3:0
Yelmar Aşurov, 44. Murad Ələkbərov, 57. Şahmar Aşurov, 81.

Sumqayıt-2 - Araz-Naxçıvan-2 1:0
Əjdər Hacılı, 90.

2 sentyabr
Turan Tovuz-2 - Səbail-2 4:3
Elçin Qasımov, 34; 58. Sənan Aslanov, 41-p. Sadiq Şəfiyev, 73 - Teymur Məmmədov, 7. Tofiq Bayramov, 20. Azad Əsgərov, 54.

1. Turan Tovuz-2 5 4 0 1 13-7 12
2. Neftçi-2 5 3 1 1 12-6 10
3. Sumqayıt-2 5 3 0 2 8-6 9
4. Zirə-2 5 2 2 1 8-3 8
5. Sabah-2 5 2 1 2 6-8 7
6. Kəpəz-2 5 2 0 3 5-11 6
7. Araz-Naxçıvan-2 5 1 3 1 6-6 6
8. Qarabağ-2 5 1 2 2 6-9 5 
9. Səbail-2 5 1 0 4 7-10 3
10. Şamaxı-2 5 0 3 2 3-8 3

Bombardirlər: Elçin Qasımov (Turan Tovuz-2) - 6, Fərhad Fərhadlı (Neftçi-2), Həbib İsmayılov (Neftçi-2) - 4.