Dünən əvəzedicilər liqasında 2-ci tura yekun vuruldu.

Şənbə günü keçirilən ilk oyunda “Qarabağ” mövsümə heç də yaxşı başlamayan “Kəpəz”i darmadağın etdi. Bazar günü turun daha iki qarşılaşması baş tutdu. “Araz-Naxçıvan” evdə “Şamaxı”dan, “Neftçi” isə səfərdə “Səbail”dən üstün oldu. Dünən keçirilən iki oyuna gəlincə, yeni mövsümə böyükhesablı qələbəylə başlayan “Sumqayıt” bu dəfə böyük hesabla da məğlub oldu. Tovuz təmsilçisi rəqibi 4 dəfə meydanın mərkəzinə dəvət etdi. Vaqif Cavadovun yetirmələrinin gücü, sadəcə, təsəlli qoluna çatdı. Mövsümə darmadağınla başlayan daha bir komanda “Zirə” də bu uğurun davamını gətirə bilmədi. Qapılara 5 qolun vurulduğu görüşdə Masazır təmsilçisi meydandan qalib ayrıldı.

İki turdan sonra maksimum nəticə göstərən “Turan Tovuz” turnir cədvəlinə başçılıq edir.

10 avqust
Qarabağ-2 – Kəpəz-2 4:1
Nihad Mollayev, 65. Mahmud Ağayev, 69. Rüstəm Əlizadə, 70. Eltun Babazadə, 77 - Fariz Nəcəfov, 45.

11 avqust
Araz-Naxçıvan-2 – Şamaxı-2 2:1
Elcan Məmmədov, 19. Nicat Quliyev, 44 - Elşad Tağıyev, 10.
Səbail-2 – Neftçi-2 0:1
Murad Məmmədov, 25.

12 avqust
Turan Tovuz-2 – Sumqayıt-2 4:1
Raul Məmmədov, 2. Məzahir Məmmədzadə, 57. Fərid Cəfərov, 68. Elçin Qasımov, 80 - Əjdər Hacılı, 33.
Sabah-2 – Zirə-2 3:2
Ramil Nuraxmedov, 12. Şahin İbrahimov, 70. Elşən Abdullayev, 90 - Vüsal Əliyev, 39. Emin Məcidzadə, 80.

1. Turan Tovuz-2 2 2 0 0 6-2 6
2. Qarabağ-2 2 1 1 0 5-2 4
3. Sabah-2 2 1 1 0 4-3 4
4. Araz-Naxçıvan-2 2 1 1 0 3-2 4
5. Zirə-2 2 1 0 1 5-3 3
6. Sumqayıt-2 2 1 0 1 5-4 3
7. Neftçi-2 2 1 0 1 2-2 3
8. Şamaxı-2 2 0 1 1 2-3 1
9. Səbail-2 2 0 0 2 0-4 0
10. Kəpəz-2 2 0 0 2 1-8 0

Bombardirlər: Nicat Quliyev (Araz-Naxçıvan-2), Elşad Tağıyev (Şamaxı-2), Məzahir Məmmədzadə (Turan Tovuz-2), Elçin Qasımov (Turan Tovuz-2), Elşən Abdullayev (Zirə-2) – 2.