“Aleksandr bu mövsüm 25 şayba vursa, düşünürəm ki, irəli getməkdə davam edəcək. Həmişə düşünmüşəm ki, o, rekordu qırana qədər oynayacaq. Ancaq bu mövsüm cəmi 12 qol vursa, qürurunu nəzərə alsaq, nələr hiss edəcəyini deyə bilmərəm. Hələ də düşünürəm ki, Oveçkin indiki vəziyyətdən qurtulacaq, bu mövsüm 25-30 arası qol vuracaq. Qretskini sevirəm, ancaq istərdim ki, bu təqib başa çatsın. Çox möhtəşəm olardı. Oveçkin ən yaxşı olmaq istəyir, həmişə istəyib. Bu üzdən fikrim belədi ki, rekordu qıracaq. Onun bunu bacaracağına inanıram”.

“Düşünürəm ki, yüngül panik durumdadı. Ancaq bəzən adamın sürətlə qocalması təəccüb doğurur. Məsələn, “Anahaym”da Teemu Selyanne ilə çalışmışam. İlk mövsümdə o, komandanın snayperləri sırasında lider idi. İkinci mövsümdə isə bu məhsuldarlıq yoxa çıxdı. Yaşı 40 idi, ancaq hər halda... “Minnesota”da Mikko Koyvu əla mövsüm keçirdi, ancaq növbəti mövsümdə tempi o qədər aşağı saldı ki, 4-cü “bənd”də oynatmalı oldum. Bəzən adam, sadəcə, qocalır, ancaq düşünmürəm ki, indi Alekslə bağlı eyni proses baş verir”.