Müasir futbolun ən tanınmış qapıçılarından olan Manuel Noyer yığma karyerasını bitirmək qərarına gəlib.

O bununla bağlı öz səhifəsində paylaşım edərək ''təşəkkürlər Almaniya. Yığma komandanın şərəfini qoruduğum üçün çox məmnunam'' ifadəsini yazıb.

38 yaşlı Noyer 2009-cu ildən yığmanın heyətində çıxış edirdi. Bu müddətdə o 124 oyuna çıxıb və bunlardan 51-də qapısını toxunulmaz saxlayaraq ümumilikdə 118 qol buraxıb. Bundestim tarixində qapıçılar arasında həm oyun sayı, həm də ''quru'' oyun sayı baxımından rekord məhz Noyerdədi. O 2014-də dünya çempionu olub və həmin turnirin ən yaxşı qapıçısı seçilib. Təcrübəli əlcək sahibinin ''Bavariya'' ilə müqavilə müddəti isə gələn il başa çatacaq. Qeyd edək ki, Noyer bu il Almaniyada keçirilən və iyulun 14-də yekunlaşan Avropa Çempionatından bu yana yığma karyerasını bitirən 4-cü almaniyalı futbolçudu. Daha öncə Toni Kroos, Tomas Müller və İlkay Gündoğan bundestim ilə birdəfəlik vidalaşdığını açıqlamışdı.

ƏLİ