Avqustun 13-də keçirilən oyunlarla Çempionlar Liqasının (ÇL) 3-cü təsnifat mərhələsinə yekun vuruldu.

İki oyunun nəticəsinə əsasən 10 komanda pley-offa vəsiqə qazandı.
Sevindiricidi ki, qaliblərin sırasında Azərbaycanın son çempionu da var. Halbuki “Qarabağ” öz meydanındakı ilk oyunda “Ludoqorets”ə 1:2 hesabıyla uduzmaqla işini çətinə salmışdı. Ağdamlılar Razqraddakı cavab görüşündə ağlagəlməz hesablı qələbə ilə Bolqarıstanın dəyişməz çempionunu mübarizədən kənarlaşdırdı.

3-cü təsnifat mərhələsində postsovet məkanını təmsil edən digər komanda da evdəki ilk matçda qələbə qazana bilməmişdi. Hərçənd “Dinamo” məlum səbəbdən “Reyncers”i Ukraynada deyil, neytral meydanda qəbul etmişdi. Polşanın Lublin şəhərində baş tutan matç 1:1 hesabıyla nəticələnmişdi. Şotlandiya premyer-liqasının vitse-çempionu ÇL-in pley-offuna adlamaq üçün yaxşı imkana malik idi. Lakin qlazqolular “doğma divarlar” amilindən yararlana bilmədilər. Onların braziliyalı yarımmüdafiəçisi Jeftenin 50-ci dəqiqədə növbəti xəbərdarlığa görə meydandan qovulması kiyevlilərin işinə yaradı. Aleksandr Şovkovskinin çalışdırdığı “Dinamo” ikinci hissənin sonuna yaxın iki dəqiqəyə vurduğu iki qolla “Aybroks” stadionunu şoka saldı.

3-cü təsnifat mərhələsi, cavab oyunları
Reyncers (Şotlandiya) - Dinamo (Ukrayna) 0:2 (ilk oyun - 1:1)
Pixalenok, 82. Voloşin, 84.
Dinamo: Buşan, Dubinçak, Mixavko, Popov, Karavayev (Bilovar, 90+1), Şaparenko (Lonviyk, 90), Brajko, Buyalski (Pixalenok, 75), Kabayev (Braharu, 75), Vanat, Yarmolenko (Voloşin, 68).
Ludoqorets (Bolqarıstan) - QARABAĞ (AZƏRBAYCAN) 2:7, əlavə vaxtda (2:1)
Dua, 13; 23-p. - Juninyo, 7. Benzya, 45+1-p.; 118. Andrade, 45+5; 112. Bayramov, 93. Cica, 110.
FKSB (Rumıniya) - Sparta (Çexiya) 2:3 (1:1)
Olaru, 60. Ecuma, 85 – Birmançeviç, 13; 28. Haraslin, 37.
Yunion (Belçika) - Slaviya (Çexiya) 0:1 (1:3)
Yureçka, 84.
APOEL (Cənubi Kipr) - Slovan (Slovakiya) 0:0 (0:2)
Bude/Qlimt (Norveç) - Yagelloniya (Polşa) 4:1 (1:0)
Fet, 34; 56. Maatta, 38. Hög, 71 – Berq, 4-öz qapısına.
Tvente (Niderland) - Zaltsburq (Avstriya) 3:3 (1:2)
Hilqers, 43. Van Hurenbek, 64. Steyn, 87 - Kyerqor, 17. Nene, 25. Yeo, 46.
Fənərbaxça (Türkiyə) - Lill (Fransa) 1:1, ə.v. (1:2)
Diakite, 90+1-öz qapısına - Devid, 118-p.
Ferentsvaroş (Macarıstan) - Midtüllann (Danimarka) 1:1 (0:2)
Sisse, 17 - Serensen, 50.
PAOK (Yunanıstan) - Malmö (İsveç) 3:4, ə.v. (2:2)
Tayson, 21. Kulierakis, 43. Jivkoviç, 45+4 - Nanasi, 10; 45. Zetterstrom, 90+6. Kristiansen, 99.

İlk oyunları avqustun 20-21-də keçiriləcək pley-offda cütlər belə formalaşıb: Dinamo (Xorvatiya) – QARABAĞ, Yanq Boyz (İsveçrə) – Qalatasaray (Türkiyə), Bude/Qlimt – Srvena Zvezda (Serbiya), Midtüllann – Slovan, Malmö – Sparta, Lill – Slaviya, Dinamo (Ukrayna) – Zaltsburq.