“Mövsümöncəsi seleksiya işlərinə başlamışıq. Akademiyamızın əlaqələndiricisi, köməkçiləri və bir neçə məşqçidən ibarət qrup Ağdamda seleksiya keçirib. Təxminən 500-ə yaxın uşaq iştirak edib ki, onlardan 20-yə yaxını növbəti mərhələdə iştirak hüququ qazanıb. Bakıya gəlib komandalarımızla birgə məşqlərə çıxa biləcəklər. Həm Ağdam Olimpiya Kompleksinin rəhbərliyi və yerli məşqçilər, həm də "Zaqatala" təşkilatı işlərdə bizə köməklik edir. Buna görə də Şaban Şirdanov başda olmaqla kluba təşəkkür edirik. Hələ ki seleksiyalar, işbirliyimiz davam edir. Bölgələrdəki oyunçulara baxıb, ayın 18-də Bakıda seçimlər edəcəyik. 2010 və daha aşağı yaş qrupları üzrə müvafiq elan veriləcək".