“Guzzo təcrübəli futbolçudu. Uzun müddət Portuqaliyanın yüksək liqasında mübarizə aparıb. Ondan sonra əslən brazilyalı olduğuna görə Braziliya A seriyasında da çıxış edib. Karyerası göz önündədi. Onu çoxdan tanıyırdım. Mayda Portuqaliyaya gedəndə Şavişdə, eyniadlı klubun matçında izlədim, özü ilə də yaxından tanış olmaq fürsətim oldu. Komandası elitanı tərk edəndən sonra Rafael sərbəst idi. "Neftçi" həmin mövqeyə oyunçu axtarırdı, hər şey üst-üstə düşdü. Rafael klassik "8 nömrə" - mərkəz ilə yanaşı, hücumameyilli və dayaq yarımmüdafiəçisi kimi oynamağı bacaran futbolçudu. Topla oyunu göz qabağındadı. Üstəgəl xarakterli oyunçudu, topsuz çalışmalarda da çox fəaldı. Yəqin ki, Roman Qriqorçukun ürəyincə olub. Fürsətdən istifadə edib "Neftçi" rəhbərliyinə minnətdarlığımı bildirirəm. Çünki çox peşəkarcasına işlədilər. Hər iki tərəf üçün uğurlu olsun. Ümid edirəm ki, "ağ-qaralar"a fayda verə biləcək".