Ozancan oynadı, komandası pley-offa yüksəldi

Konfrans Liqasında 3-cü təsnifat mərhələsinin cavab oyunları keçirilib.

"Football-plus.az" xəbər verir ki, millimizin üzvü Ozancan Kökcünün yeni transfer olunduğu HİK (Finlandiya) səfərdə Monteneqronun "Deçiç" klubu ilə qarşılaşıb. Evdə rəqibinə 1:0 hesabı ilə qalib gələn HİK bu dəfə 1:2 hesabı ilə uduzub. Penaltilər seriyasında HİK qalib gələrək (4:3) pley-offa yüksəlib. Ozancan start heyətdə meydana çıxıb və ikinci hissənin startında əvəzlənib.

Qeyd edək ki, HİK pley-offda "Klaksvik"lə (Farer adaları) üz-üzə gələcək.