''Kiçik bir üstünlüyümüz var. İlk oyundan sonra artıq rəqibimizi daha yaxşı tanıyırıq. Superliqanın ilk turunda Rizə səfərində rotasiya etməli olduq. Çünki əlimizdə hazır durumda olan yalnız 14-15 futbolçu var. Onların sayını 18-19-a yüksəltmək istəyirik. Transferlər davam edəcək. ''İberiya'' müdafiədə boşluq verməyən rəqibdi. Yaxşı ki, ilk oyunda qalib gəlməyi bacardıq. İlk görüş qolsuz bitsəydi, burda da yalnız müdafiə olunmaq haqda düşünəcəkdilər. Komandalarımız bu aralar avrokuboklarda çox önəmli oyunlara çıxır. Pley-offa yüksəlsək, 3-cü turla bağlı federasiyadan bir tələbimiz ola bilər. Ötən mövsüm də pley-off matçlarından öncə belə şeylər olmuşdu. Məsələn, ''İberiya''nın ötən həftəsonu çempionat oyunu təxirə salındı. Çünki cavab matçına daha yaxşı hazırlaşmaq istədilər. Daha öncə Belçika klubları da belə etmişdi. Avropada dəfələrlə bu praktikadan istifadə olunub. Əmsallar cədvəli baxımından bu matçlar önəm daşıyır. Federasiya komandalarımızın fiziki durumunu nəzərə alaraq bizə yardım etməlidi. Çox güman, 3-cü turdakı oyunumuzun təxirə salınmasını tələb edəcəyik''.