PFL "Sabah"a "Neftçi" və "Qarabağ"dan daha çox rəğbət bəsləyir? - REPLİKA
Premyer-liqanın başlamasına 8 gün qalmış "Futbol+" qəzeti üçün PFL-in vitse-prezidenti Aslan Şahgəldiyevdən çempionatın Əsasnaməsi ilə bağlı müsahibə götürmüşdüm.
2023/24 mövsümünün qaydalarında başa düşmədiyim məqamları qurum rəsmisindən soruşmuşdum. Müsahibədən bir hissəni diqqətinizə çatdırıram:
“- Oyunların vaxtının dəyişdirilməsi və təxirə salınması” maddəsinin 2-ci bəndində belə bir məqam var: avrokuboklarda iştirak edən klublar dəyişikliklərlə bağlı ən geci bir həftə öncə PFL-ə rəsmi məlumat verməlidi. Onlar qarşı tərəfin razılıq məktubu ilə görüşlərin vaxtlarını tur çərçivəsində 1 gün dəyişməklə bağlı PFL-ə müraciət etmək hüququna malikdilər. Avrokubokların 4-cü təsnifat mərhələsində iştirak edən klub görüşünün bir dəfə təxirə salınması ilə bağlı müraciət edə bilər. Qrup mərhələsində iştirak edən təmsilçimiz də bir dəfə bu hüquqa malikdi. Bu bəndi ətraflı izah edə bilərsiz?
- Burda üç fərqli məqam var. Pley-offa qədər təmsilçilərimiz oyun gününün dəyişdirilməsi üçün PFL-ə müraciət edə bilər. Tutaq ki, hansısa avrokubok iştirakçısının oyunu 6-cı günə salınıb. Həmin klub bizə və qarşı tərəfə müraciət edir ki, bizdə vaxt azlığı var, gəlin bu görüşü 1 gün sonraya keçirək. Amma pley-offa vəsiqə qazanan klubumuz oyununun təxirə salınması üçün müraciət edə, həm bu mərhələdə, həm də qrup oyunları zamanı bu hüquqdan bir dəfə istifadə edə bilər. Çünki oyunları tez-tez təxirə salmaq da olmaz, onda təqvim pozulur”.
- Burda üç fərqli məqam var. Pley-offa qədər təmsilçilərimiz oyun gününün dəyişdirilməsi üçün PFL-ə müraciət edə bilər. Tutaq ki, hansısa avrokubok iştirakçısının oyunu 6-cı günə salınıb. Həmin klub bizə və qarşı tərəfə müraciət edir ki, bizdə vaxt azlığı var, gəlin bu görüşü 1 gün sonraya keçirək. Amma pley-offa vəsiqə qazanan klubumuz oyununun təxirə salınması üçün müraciət edə, həm bu mərhələdə, həm də qrup oyunları zamanı bu hüquqdan bir dəfə istifadə edə bilər. Çünki oyunları tez-tez təxirə salmaq da olmaz, onda təqvim pozulur”.
Bu gün PFL rəsmi məlumat yayıb ki, Misli premyer-liqasının 2-ci turunun "Sumqayıt" - "Sabah" matçı "bayquşlar"ın müraciətinə, "kimyaçılar"ın razılığına əsasən təxirə salınıb. Çünki "Sabah"ın Konfrans Liqasının 3-cü təsnifat mərhələsində "Partizan"la cavab oyunu var.
Mən də Azərbaycan klublarının avrokuboklarda uğur qazanmasının tərəfdarıyam. Amma PFL-in öz Əsasnaməsinə anlam verməməsini heç cür başa düşə bilmirəm. Belə bir güzəşt edirsənsə, o zaman bütün klublarımıza eyni şəraiti yaratmalısan. Məsələn, "Qarabağ"ın HİK-ə qarşı durumu daha çətindi. Onlar daha böyük turnirdə çıxış edirlər. "Neftçi" də "Beşiktaş"a öz meydanında 1:3 hesabı ilə uduzsa da, şansı qalıb. Düzdü, PFL flaqmana bunu təklif edib. Amma Adrian Mutunu təklifi qəbul etməyib. Niyə belə şeyə razı olsun ki? Yadınıza gəlirsə, Emin Mahmudov "Jelezniçar"la oyundan sonra açıqlama vermişdi ki, "Kəpəz"lə oyunun təxirə salınacağını gözləyirmişlər. Lakin bu, baş verməyib. Çünki "Neftçi" rəhbərliyi Əsasnaməni pozmaq istəməyərək belə addım atmayıb. Burda təkcə söhbət flaqmandan getmir. "Qarabağ" da eyni problemdən əziyyət çəkir. "Sabah"a niyə xüsusi simpatiya bəslənir? Yenə deyirəm, mənim üçün klublarımızın avrokuboklarda uğur qazanması əsas məsələdi. Amma PFL-in öz qaydalarına riayət etməməsi insanı düşündürür.
"Neftçi"nin "Beşiktaş"la oyundan öncə "Kəpəz"lə oyunun təxirə salınması üçün quruma müraciət edib-etmədiyini nə bilək? Ola bilər ki, "Qarabağ" da HİK-lə oyundan öncə sizə ağız açıb. Bunu hardan bilək?
Yox da Əsasnamədə yazılıb ki, pley-offa kimi oyunların ancaq vaxtı dəyişdirilə bilər. Qarşılaşmaların təxirə salınması mümkün deyil. Niyə "Sabah"a güzəşt edərək söz-söhbət yaradırsız? Bəlkə "bayquşlar"a "Neftçi" və "Qarabağ"dan daha çox rəğbət bəsləyirsiz? Nədi öz Əsasnamənizə riayət etməməyinizə səbəb?
İLKİN SULTANLI
Digər xəbərlər
