“Komanda nəticə istəyirsə, əlavə sponsorlarla anlaşmalıdı” – 1-ci və 2-ci liqanın əsas problemi haqda
Xatırlayırsızsa, ötən mövsüm 1-ci liqa “İrəvan” fiaskosuyla yadda qaldı.
Qərbi Azərbaycan təmsilçisi maddi problemlər üzündən kasad heyət və borc bataqlığıyla üzləşdi. Görəsən, PFL eyni halın başqa komandanın simasında təkrarlanmaması üçün hansı tədbirləri görüb? Klubların maliyyə durumuyla bağlı yeniliklər gözlənilirmi?
PFL-in prezidenti vəzifəsinin müvəqqəti icraçısı Elgiz Abbasov mövzuyla bağlı belə dedi:
“Bəli, təəssüf ki, “İrəvan”la bağlı müəyyən problemlər yaşadıq. Qeyd edim ki, dövlət tərəfindən ayrılan maliyyə klubların liqada iştirakını təmin etmək üçündü. Komanda nəticə istəyirsə, əlavə sponsorlarla anlaşmalıdı. Futbol təcrübə deməkdi. İndidən nəyisə müəyyənləşdirmək çətindi. Ötən mövsüm həm 1-ci, həm də 2-ci liqada bütün oyunların baş tutması üçün əlimizdən gələni etdik. Bu dəfə də çalışacağıq ki, PFL bayrağı altında keçirilən yarışların davamlılığını təmin edək”.
KƏNAN BAHADIR
Digər xəbərlər
