Səbail (Bakı) – Neftçi (Bakı) 1:1 (0:1)

1. Hüseynəli Quliyev – 5,0
77. Fərid Nəbiyev – 5,0
(17. Gülağa Əsədov, 81) – qiymətsiz
15. Vüsal Məsimov – 5,0
20. Mərt Çəlik – 5,0
(6. Cabir Əmirli, 81) – qiymətsiz
11. Rüfət Abdullazadə (k) – 5,0
8. Qorka Laruçça – 5,5
44. Amir Bilali - 5,0
3. Dmitri Litvin – 6,0
7. Madi Queta – 5,0
(14. Suleyman Alluş, 77) – qiymətsiz
5. Gitay Sofir – 5,0
21. Ayman Bouali – 5,0
(19. Samir Abdullayev, 71) – 5,0
Ehtiyat oyunçular
12. Əlirza Müştəbazadə
25. Nicat Məmmədzadə
74. Yusif Nəbiyev
18. Süleyman Əhmədov
83. Nihad Quliyev
16. Emin Rüstəmov
Baş məşqçi: Şahin Diniyev
Komandanın ən yaxşısı: Dmitri Litvin

93. Rza Cəfərov – 5,5
10. Filip Ozobiç – 5,0
(13. Emil Səfərov, 80) – qiymətsiz
8. Emin Mahmudov (k) – 5,5
3. Höccət Haqverdi – 5,0
17. Rəhman Hacıyev – 5,0
90. Ramil Şeydayev – 5,0
4. Mark Tamaş – 5,0
99. Ervin Koffi – 5,0
44. Yuri Matias – 6,0
88. Andrey Ştoqrin – 4,5
(7. Azər Əliyev, 80) – qiymətsiz
77. Yeqor Boqomolski – 4,5
(11. Kilan Lebon, 70) – 5,0
Ehtiyat oyunçular
1. Emil Balayev
30. Rüstəm Samiqullin
19. Azər Salahlı
91. Ağadadaş Salyanski
47. Murad Məmmədov
14. Edvin Kuç
23. Robert Bauer
9. Andre Şinyaşiki
Baş məşqçi: Roman Qriqorçuk
Komandanın ən yaxşısı: Yuri Matias

Qollar: Y.Matias, 24 (0:1, E.Mahmudov). D.Litvin, 48 (1:1, Q.Laruçça).
Vərəqələr: M.Çəlik, 9 (qeyri-idman hərəkəti). Q.Laruçça, 27 (qeyri-idman hərəkəti). A.Bouali, 37 (qeyri-idman hərəkəti). D.Litvin, 49 (qeyri-idman hərəkəti). R.Şeydayev, 58 (hakimin qərarına etiraz). G.Sofir, 90+2 (qeyri-idman hərəkəti). H.Haqverdi, 90+5 (qeyri-idman hərəkəti). K.Lebon, 90+6 (hakimin qərarına etiraz) – sarı.
Hakimlər: KAMAL UMUDLU, Vüsal Məmmədov, Kamran Bayramov, Kamran Əliyev (hamısı Bakı).
VAR hakimi: Nicat İsmayıllı (Bakı).
VAR hakiminin köməkçisi: Cəmil Quliyev (Bakı).
Hakim-inspektor: Ceyhun Haşımov (Bakı).
AFFA nümayəndəsi: Nəriman Axundov (Bakı).
10 avqust. Bakı. “ASCO Arena”. 1200 tamaşaçı (3200 yerlik).
Birinci hissəyə 2, ikinci hissəyə 5 dəqiqə əlavə olunub.
Oyunun qiyməti: 6,0.

İslahat dalğasından sonra azarkeşlərin “Neftçi”dən yeni mövsüm üçün gözləntisi böyükdü. Xüsusən də Qriqorçukun rəhbərliyi altındakı komandanın daha yaxşı nəticə göstərməyə qadir olduğunu düşünürlər. Amma “Turan Tovuz”un ardından “Səbail”lə də heç-heçə...

Qarşılıqlı hücumlarla başlayan oyunda qapıya ilk zərbə qonaqlardan gəldi. Amma Ozobiçin zərbəsi Hüseynəli üçün çətinlik yaratmadı. Bir qədər sonra isə Mahmudovun kobud səhvindən sonra topu ələ keçirən Fərid əks-hücumu lazımınca dəyərləndirə bilmədi. Epizdoun davamında künc zərbəsini yerinə yetirən Rüfətin qapı önünə ötürməsi zamanı Vüsalın başla zərbəsi qeyri-dəqiq oldu. 24-cü dəqiqədə “ağ-qaralar” hesabı açmağı bacardı. Cərimə zərbəsi zamanı Eminin qapı önünə göndərdiyi topu Matias başla tora qovuşdurdu – 0:1. Artıq gərginlik getdikcə yüksəlirdi. Qoldan ruhlanan qonaqlar cəmi 2 dəqiqə sonra daha bir real təhlükə yaratdı. Boqomolskinin qapı önünə yerlə ötürməsindən sonra Ştoqrinin zərbəsini Hüseynəli xəttin üzərindən çıxara bildi. “Neftçi” futbolçuları qol olduğunu bildirsələr də, VAR-dan gələn görüntü topun xətti keçmədiyini göstərdi. 41-ci dəqiqədə Mahmudovun cərimə meydançasının kənarından sol ayaqla vurduğu zərbə qapıdan aralı keçdi. İlk yarıda qonaqlar üstün oynadı, “Səbail” isə ənənəsinə sadiq qalaraq 2-ci yarıda canlandı. 48-ci dəqiqədə Laruççanın künc zərbəsindən sonra qapı önünə göndərdiyi topu Dmitri başla qapıdan keçirdi. “Dənziçilər” artıq irəli daha inamlı atılırdı. 58-ci dəqiqədə Sofirin sayəsində meydan sahibləri daha bir real qol imkanı əldə etdi. Lakin Fəridin iti bucaq altından yaxın küncə göndərdiyi topu Rza qaytardı. Epizodun davamında sürətli hücuma çıxaraq rəqib müdafiəsini azlıqda yaxalayan qonaqlarda dəqiqlik çatmadı.

Boqomolskinin zərbəsi qapının üstündən keçdi. Uzatma dəqiqələrində isə sonradan oyuna qoşlan Gülağanən baxımlı zərbəso “çərşivə”yə düşmədi. Bununla da həm “Səbail”, həm də “Neftçi”nin yeni mövsümdə qələbəsiz seriyası davam etdi.

Gözdən qaçmadı
* Oyundan sonra “Forza Neftçi” ilə Ervin Koffi arasında münaqişə yaşandı.
* “Neftçi” azarkeşlərindən ikisi komandanın köməkçi məşqçisi tribunadan Sənan Qurbanova etirazını çatdırdı: “Axı, sən ki təcrübəlisən. Niyə belə edirsiz? Görürsən ki, Lebon yaxşı oynayır, ilk hissədə oyuna sal da. Emin Mahmudovun dövrü gedib. Rədd elə də onu. Niyə saxlayırsan? Mən hər həftə Sabirabaddan durub gəlirəm oyuna baxmağa. Əsəbləşib qayıdıram”.

KAMAL SƏFƏR