Ölkəmizin əmsalı dəyişmədi - UEFA REYTİNQİ

7.08.2024 09:57 335
Avrokuboklar
Ölkələrin UEFA reytinqində dəyişikliklər olub.

"Football-plus.az" xəbər verir ki, buna avrokubokların 3-cü təsnifat mərhələsinin ilk oyunlarının birinci gününün nəticələri səbəb olub.

Çempionlar Liqası, Avropa Liqası və Konfrans Liqasında baş tutan matçlar ölkəmizin mövqeyinə təsir etməyib. “Qarabağ” “Lüdoqorets”ə 1:2 hesabı ilə uduzduğu üçün ölkəmizin əmsalı dəyişməz qalıb. Buna baxmayaraq, Azərbaycan mövqeyini qoruyub.

Xal hesabımız 18,375-di. 23-cü sıradayıq. Cari mövsümün qazancı 1,625-ə bərabərdi. Ölkə reytinqi üçün “Zirə” 0,750, “Qarabağ” 0,500, “Sabah” 0,250, “Sumqayıt” 0,125 xal əldə edib.

Qeyd edək ki, cədvələ İngiltərə başçılıq edir – 89,160 xal.