“Football-plus.az” xəbər verir ki, bu sözləri “Səbail”in baş məşqçisi Şahin Diniyev premyer-liqanın 1-ci turunun “Zirə” ilə görüşündən sonra keçirilmiş mətbuat konfransında deyib. O, jurnalistlərin suallarını da cavablandırıb:

- Fərid Nəbiyevə tez-tez iradlar bildirirdiz. Nə ilə bağlıdı?

Potensialına bələdəm. Hələ ki, tam formasına düşməyib. İlk yarıda buraxdığımız qollara görə dəyişiklik etdik.

- Azərbaycanlı qapıçı tapmadız, yoxsa necə?

- Çox istəyirəm ki, limit olanda qapıçı yerli olsun. Hüseynəli də perspektivlidi, neçə illərdi ki, zamanını gözləyir. Çempionatın yaxşı qapıçılarından biri olacaq.

- İlk turdan sonra digər komandaları da gördüz. “Səbail”in potensialını neçə turdan sonra görəcəyik?

- İki tur. Birinci hissədən sonra istədiyimi ala bildimsə.. İkinci hissə uduzmadıq. Onu ala bildiksə, çox yaxındadı. Daha bir oyun problemimiz ola bilər. Amma üçüncü oyunda stabil oynayacağıq. Bu gün şən futbol oynayırıq. Müdafiədə çox səhv buraxa bilərdik. Yeri gəlmişkən, “Zirə”ni təbrik edirəm. Bugünkü qələbə və avrokuboklarda mərhələ keçdiklərinə görə.

- Taktiki səhvlərə görə bu cür uduzduz?

- Üstündən atmaq üçün deyərəm, fərdidi. Mən də məsuliyyəti dərk edirəm. Bu məğlubiyyət mənimdi. Məni çox narahat edən standart vəziyyətdən buraxılan bəsit qollardı. Burada taktikadan söhbət gedə bilməz. Dördüncü qola baxın, niyə müdafiəçilər geri çəkildi, qarşılamadı? Cibrilla 30 metr azad gəldi, heç kim onu qarşılamadı.

- Hədəfiniz nə olacaq?

- Konkret içimdən gələni deyim: “Səbail” premyer-liqada qalmaq üçün oynamayacaq.