“İlk oyun göstərdi ki, “Qarabağ” Çempionlar Liqasının 2-ci təsnifat mərhələsindəki rəqibi “Linkoln”dan qat-qat üstündü. Üstəlik bu, Ağdam təmsilçisinin yeni mövsümdə ilk rəsmi oyunu idi. Düşünürəm ki, cavab matçı daha maraqlı olacaq. Komandamızın növbəti mərhələyə adlayacağına şübhə etmirəm”.

“Birincisi, “Qarabağ” həm meydanda, həm də meydandan kənarda müdrik şəkildə idarə olunur. Komanda daim bütün ehtimallara hazırlıqlıdı. Bunu ötən mövsüm həm “Bayer-04”ə, həm də “Braqa”ya qarşı oyunlarda gördük. İkincisi, “Qarabağ” nizam-intizamlıdı. Az hallarda azlıqda qala bilər. Bugünkü oyunda bunun baş verməsi real görünmür. Kollektiv azarkeşlərə həm baxımlı oyun, həm də müsbət nəticə təqdim edir. “Qarabağ” bu baxımdan uzun illərdi digər klublarımıza örnəkdi. “Linkoln”la qarşılaşmada da baxımlı oyuna və möhtəşəm qələbəyə şahidlik edəcəyik. Ümumiyyətlə, rəqibin sensasiya etməsi mümkün deyil”.