“Qısası, bu oyun Ağdam klubunun rahat qələbəsi ilə bitəcək” - Aslan Kərimov
“Qarabağ” bu gün Çempionlar Liqasının 2-ci təsnifat mərhələsinin cavab oyununa çıxacaq.
“Tofiq Bəhramov”da “Linkoln”i qəbul edəcək “köhlən atlar” ilk oyundan qələbə ilə ayrılıb. Rəqibin baş məşqçisi Xavi Munyos isə dünənki mətbuat konfransında qarşılaşmanın çətin olacağını, meydana nəticə üçün çıxacaqlarını deyib. Bu gün məhsuldar oyun görə bilərikmi?
Təcrübəli mütəxəssis Aslan Kərimov oyunla bağlı “football-plus.az”a danışdı:
“Qarabağ” 2:0-lıq qələbədən sonra Bakıda çətinə düşməyəcək. Hava da çox yaxşıdı, bu aylara xas isti olmayacaq. Azarkeşlər görmək istədiyi, “Qarabağ”ın qələbəsi ilə bitən oyun izləyəcək. Düşünmürəm ki, məhsuldar matç olar. İlk oyunda rəqib komanda çox sıx və qapalı müdafiə olunurdu. Həm də öz meydanında. Bakıda bundan da qapalı oynayacaqlar. Bəlkə sürətli oyun olmayacaq, amma top “Qarabağ”da olacaq. Qısası, bu oyun Ağdam klubunun rahat qələbəsi ilə bitəcək”.
RÖYANƏ OĞUZ
Digər xəbərlər
