Olivye Jiru yaxın gələcəyi ilə bağlı qərar verib.

"Football-plus.az" xəbər verir ki, Fransa millisinin hücumçusu “Milan”la müqaviləsini yeniləməyəcək.

“Football Italia” saytının məlumatına görə, 37 yaşlı futbolçu İtaliya klubu ilə müddəti bu il iyunun 30-da başa çatacaq müqaviləsini yeniləməmək qərarına gəlib. Rəhbərlik sözləşməni yeniləməkdə maraqlı olsa da, fransalı dünya çempionu karyerasını başqa klubda davam etdirmək niyyətindədi. Jirunun ABŞ klublarından birinə keçməyi düşündüyü iddia edilir.

Yeri gəlmişkən, Olivye bu mövsüm “Milan”da 21 oyun keçirib, 9 qol vurub və 6 məhsuldar ötürmə edib.