“Neftçi” dünən axşam növbəti transferini təqdim etdi. Almaniyalı futbolçu Robert Bauer "ağ-qaralar"la üçillik müqavilə imzalayıb. Bauer sonuncu dəfə Səudiyyə Ərəbistanı klubu “Əl Tae”də forma geyib.

Onun transferini də azarkeşlər sakit qarşılamadı. İzləyicilər sosial şəbəkələrdə Bauerin gəlişinə fərqli reaksiyalar verib.

Elçin Zellabdinov: “Transfer xətrinə transfer, yəni köhnə hamam, köhnə tas”.
Samil Əfəndiyev: “Rzanın yerinə qapıya qoymaq da olar hətta”.
Tural Quliyev: “Yığın e qocaları, deyəsən, yenə dəyişən heç nə yoxdu”.
Elşad Abbasov: “Təki qorxaq futbol oynamasınlar”
Dəyanət Bayramlı: “Yaxşı oyunçudu, xeyirli olsun. Amma boyu balacadı, yəqin ki, Matiasla bir oynayacaq. Hava toplarında mərkəz müdafiəçilərimiz problem ola bilər… Matias da elə hündür deyil”.
Rauf Salayev: ”Yenə vaxtı keçmişləri kluba salmağa başladılar”.
Ədalət Məmmədli: “Bir qəpiklik oyunçu deyil, 8 ay futbolsuz qalıb”
Seyfulla Şüvəlani: “Xeyirli olsun. Hələ bir qapıçı, bir cinah müdafiəçisi, iki vinger və bir mərkəz hücumçusu olmaqla daha 5 transfer edilməlidi”.

RÖYANƏ OĞUZ