"Neftçi" yeni transfer reallaşdırıb.

"Football-plus.az" xəbər verir ki, komanda braziliyalı futbolçu Yuri Matiasla 2 illik müqavilə imzalayıb. Bu barədə klubun rəsmi saytında məlumat verilib.

28 yaşlı mərkəz müdafiəçisi "ağ-qaralar"ın heyətində 44 nömrəli formanı geyinəcək.

Yuri Matias Braziliyanın “Amerika” (2014-2016), Portuqaliyanın “Akademika” (2016-2020), Təbrizin “Traktor” (2020), Rumıniyanın “Qaz Metan Mediaş” (2020-2022) və “ÇFR Kluj” (2022-2023) klublarında çıxış edib. O, 2021/2022 mövsümündə “ÇFR Kluj”la Rumıniya çempionu olub.

Qeyd edək ki, “Neftçi” bundan əvvəl Azərbaycan milli komandasının üzvləri – qapıçı Emil Balayev və Xorvatiya əsilli yarımmüdafiəçi Filip Ozobiçi transfer edib.