“Barselona”nın əvəzedicilərdən ibarət komandasının baş məşqçisi Rafael Markes istefa verib.

"Football-plus.az" xəbər verir ki, klubun mətbuat xidmətinin məlumatında onun bu qərarının səbəbinə də aydınlıq gətirilib.

Markes 2022-ci ildən əvəzedici komandanın baş məşqçisi idi. 45 yaşlı mütəxəssisin Meksika yığmasının məşqçilər heyətinə qoşulacağı gözlənilir. Amerika Kubokunda uğursuzluğa düçar olan komandanın sabiq çalışdırıcısı Xayme Losano istefaya göndərilmişdi. Onun yerini Xavyer Agirre tutub. Markesin tezliklə yenilənən məşqçi korpusuna daxil olacağı xəbər verilir.

O, futbolçu karyerasının 7 ilini (2003-10) “Barselona”da keçirib. Bu komanda ilə 163 matçda meydana çıxan Markesin Meksika yığmasında 147 oyuna 17 qol vurduğunu da xatırladaq.