“Yorğunluq fonunda olsa belə, irəliləyiş göz qabağındadı. Təlim-məşq toplanışının sonunda futbolçulardan istədiyimdən də çoxunu ala bildim. Bu hazırlıq bizim üçün əsas fiziki, funksional cəhətdən önəmli idi. Bu da təməl üçün vacib idi və çempionatda çox yararlı olacaq. Oyunçular bunu anlayaraq tapşırıqları yerinə yetirdilər. Düşünürəm ki, yeni gələnlər həm oyun, həm də uyğunlaşma baxımından kluba öyrəşiblər. Son oyunda 15-ci dəqiqədə 2:0 uduzurduq, amma komanda özündə güc tapdı və xarakter göstərərək geridönüş etdi. Bu da məni çox sevindirir. Bakıya qayıdandan sonra ayın 26-27-də bir oyun da keçirib, çempionata hazırlayacağıq. Yoldaşlıq oyununu dəqiqləşdirməmişik. Böyük ehtimalla əvəzedicilərimizlə oynayacağıq. İstəmirik ki, çempionat ərəfəsində zədə yaşayaq. Legioner futbolçu transferimiz hələ bitməyib. “8 nömrə”, yəni orxa xətt oyunçusu axtarışı davam edir”.