“Türkiyə bu turnirin ən hirsli və istəkli oynayan komandası idi. Bütün oyunçular əllərindən gələni etdilər. Onlara qarşı oyunda ikinci hissədə lazımi reaksiya göstərməsəydik, bizi də məğlub edəcəkdilər. Həmin qarşılaşma çox həyəcanlı keçdi. Xüsusilə son dəqiqələrdə Türkiyə ardıcıl hücumlarla bizi bir xeyli qorxutdu. Finalda Niderlandla Türkiyənin qarşılaşmasını istərdim. Çünki finala ən çox layiq olan məhz bu iki komanda idi. Qəbul etməliyik ki, turnirin ən yaxşı fanatları məhz türkiyəli fanatlar oldu. Onların komandalarına verdikləri dəstək və coşqu məni yaxşı mənada təəccübləndirdi. Türkiyə çox gözəl ölkədi. Bütün ölkə sanki futbolla yaşayır. Amma orda hər şey günlükdü. Qalib gəldinsə, yaxşısan, məğlub oldunsa, pissən. Bəli, daha öncə mənə Türkiyədən təkliflər olmuşdu. Ciddi layihələrlə mənə müraciət etmişdilər. Amma qəbul etməmişdim. Hazırda Niderland yığmasının başında özümü çox xoşbəxt hiss edirəm. Gələcək üçün böyük planlarımız və layihələrimiz var. DÇ-2026-da uğurlu çıxış etmək istəyirik. İndi zatən Türkiyədə Niderlandı təmsil edən bir məşqçi var. Covanni van Bronkhorstu nəzərdə tuturam. Yaxşı və özünü sübut etmiş mütəxəssisdi. “Beşiktaş”da istədiyi sistemi oturda bilsə, uğur qazanmaması üçün heç bir səbəb görmürəm”.