"Çox maraqlı anlar yaşandı. Təxminən 50-55 azarkeş matçı izləmək üçün "Zirə Cinema"ya gəlmişdi. Tərəfdarlar oyundan əvvəl marş və bəstələr oxudu, məşəllər yandırdı. Bacardığımız qədər əyləncəli atmosfer yaratdıq. Qələbəni də birgə qeyd etdik. Səbrsizliklə cavab oyununu gözləyirik. Həm azarkeşlər, həm də klub matça çox ciddi hazırlaşırıq. "Şerif"in həm gücü, həm də nüfuzu hər kəsə bəllidi. Gücümüzü ikiyə qatlamalıyıq.

Bu arada sizin vasitənizlə istər Zirədən, istərsə də Bakının başqa istiqamətlərindən gələrək komandamıza dəstək olmayaq istəyən azarkeşlərə nəqliyyatla təmin olunacaqlarını bildirmək istəyirəm. Onların dəstəyi bizim üçün çox vacibdi. Təbii ki, "Zirə" - "Şerif" matçı afişa olaraq da çox önəmlidi. Ümid edirik ki, bu dəfə komandamızı daha çox azarkeş dəstəkləyəcək. Gəlsinlər və qələbəni birlikdə qazanaq!"