“Zirə” Avropa Liqasının 1-ci təsnifat mərhələsində iyulun 11-də Moldova “Şerif”inin qonağı olacaq.

Bilindiyi kimi, oyun 12746 tamaşaçı tutumuna malik “Şerif Arena”da keçiriləcək. Meydan sahibi komanda dünəndən oyunu tribunalardan izləmək istəyən azarkeşlər üçün bilet satışına start verib. Qiymətlər yerdən asılı olaraq 5-27 manat aralığında dəyişir. Bu öz yerində, amma klubun işləri yoluna getmir.

“Football-plus.az”ın Moldova mətbuatına istinadla verdiyi xəbərə görə, bu oyuna azarkeş marağı aşağı səviyyədədi. Baxmayaraq ki, biletləri onlayn şəkildə də əldə etmək mümkündü.

Bildirək ki, moldovalı həmkarlarımız azarkeşlərin matça biganə yanaşmasını “Zirə”nin məşhur klub olmamasıyla əlaqələndirir. Onlar hətta əksəriyyətinn rəqibin hansı ölkəni təmsil etdiyini belə bilmədiyini iddia edir. Həmçinin klub rəhbərliyi tərəfdarları bilet almağa sövq etməyə çalışır. Onlar “Zirə”nin ciddi rəqib olduğunu və səddi adlamaq üçün azarkeşlərin dəstəyindən faydalanmağın zəruriliyini dilə gətirir.

KƏNAN BAHADIR