Anelka Türkiyədən başını götürüb qaçdı!
Türkiyənin 1-ci liqa təmsilçisi ''Ümraniyəspor''da qalmaqallı və sürpriz bir ayrılıq yaşanıb.
Belə ki, komandanın baş yönəticisi və idarə heyətinin sədri olan Nikolya Anelka istefa verərək Türkiyədən ayrılıb. Özü də qalmaqallı bir paylaşım edərək bunları yazıb:
''Klubun bərbad idarəçiliyi, münasibətlərdəki problemlər, ödənilməyən maaşlar, FİFA tərəfindən verilən cəza, futbola baxış tərzimizin fərqli olması və ən əsası verilən vədlərə hörmətlə yanaşılmaması! Böyük adamlarla digərləri arasında fərq budu. Öz səviyyənizə uyğun çalışmağınıza imkan yaradıram''.
Yaxın keçmişin ünlü fransalı futbolçularından olan və ''Fənərbaxça'', eləcə də ''Arsenal'', ''Liverpul'', ''Real'' ''Mançester Siti'', ''Çelsi'', ''Yuventus'' kimi klublarda top qovan 45 yaşlı Anelka bu vəzifəyə bu ilin yanvarında gətirilmişdi. Bir müddət öncə o, ''Ümraniyəspor''un başına vaxtilə ''Fənərbaxça''da birlikdə top qovduğu Tuncay Şanlını gətirmişdi. İyulun 6-da ''Ümraniyəspor'' ''Beşiktaş''a qarşı hazırlıq oyunundan qolsuz bərabərliklə ayrılmışdı.
ƏLİ
Digər xəbərlər
