David Raya çıxışını “Arsenal”da davam etdirəcək.

London klubu “Brentford”dan icarəyə götürdüyü futbolçunun transfer hüquqlarına yiyələnib.
Paytaxt klubu ispaniyalı qapıçı üçün “Brentford”a 27 milyon funt sterlinq təzminat ödəyib.

Xatırladaq ki, David 2023/24 mövsümünü keçirdiyi “Arsenal”da inamlı çıxışı ilə yadda qalıb. İspaniya millisinin üzvü “topçular”ın heyətində 41 rəsmi matçda meydana çıxıb, 31 top buraxıb və 20 oyunda qapısını toxunulmaz saxlayıb. Raya son mövsümdə premyer-liqada “Qızıl əlcək” mükafatına layiq bilinib.